უკრაინამ იერიში მიიტანა სანქტ-პეტერბურგის ოლქზე ეკონომიკური ფორუმის დასრულების წინ

უკრაინამ დაადასტურა კიდევ ერთი დრონებით თავდასხმა სანქტ-პეტერბურგის ოლზე რუსეთის ეკონომიკური ფორუმის ბოლო დღეს. კერძოდ, უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინის სამხედრო ძალებმა 6 ივნისის ღამეს რუსეთის რამდენიმე რეგიონზე მასშტაბური იერიშები განახორციელეს.

პრეზიდენტის თქმით, შეტევებმა რუსეთის ტერიტორიაზე დაახლოებით 1 000 კილომეტრის სიღრმემდე მიაღწია და რამდენიმე სამიზნე დააზიანა.

Kyiv Independent წერს, რომ თავდასხმა სანქტ-პეტერბურგის საერთაშორისო ეკონომიკური ფორუმის დასრულებამდე ერთი დღით ადრე განხორციელდა. ეს ფორუმი ყოველწლიურად ტარდება რუსეთის პრეზიდენტის ვლადიმერ პუტინის მშობლიურ ქალაქში, სანქტ-პეტერბურგში. ამ ფონზე, იზრდება შეშფოთება რუსეთის დიდი ქალაქების უსაფრთხოებასთან დაკავშირებით.

ვოლოდიმირ ზელენსკის თქმით, უკრაინულმა დრონებმა დაახლოებით 1 000 კილომეტრი დაფარეს და დაარტყეს რუსეთის საზღვაო არსენალებსა და ბაზებს ქალაქ კრასნოდარში, რომელიც სანქტ-პეტერბურგის მახლობლად მდებარეობს. ასევე, მისი თქმით, დრონებმა დააზიანეს ნავთობის საცავადი კრასნოდარის ოლქში, რომელიც უკრაინის საზღვრიდან დაახლოებით 500 კილომეტრით არის დაშორებული.

„დროა ეს ომი დასრულდეს. მაგრამ რუსეთის მმართველს ბრძოლის გაგრძელება სურს. სწორედ ამიტომ მუშაობს უკრაინის მიერ ამ აგრესიის წინააღმდეგ დაწესებული სანქციები", - დაწერა უკრაინის პრეზიდენტმა სოციალურ ქსელში. 

რუსულ Telegram არხებზე გავრცელებული ცნობებით, ადგილობრივებმა კვამლის ღრუბელი შენიშნეს კრონშტადტის საზღვაო ქარხნის ტერიტორიაზე, რომელიც რუსეთის სამხედრო-საზღვაო გემთმშენებელი ქარხანაა და სანქტ-პეტერბურგიდან დაახლოებით 30 კილომეტრში მდებარეობს.

სოციალურ ქსელებში გავრცელებულ ფოტოებსა და ვიდეოებში ჩანს, როგორ დაფრინავენ დრონები ქალაქის თავზე თავდასხმამდე.

შეტევის შემდეგ კრონშტადტში შესვლა და გამოსვლა დროებით აიკრძალა, რაც ადგილობრივმა სატრანსპორტო უწყებამ დაადასტურა.

რუსეთის თავდაცვის სამინისტროს განცხადებით, საჰაერო თავდაცვის სისტემებმა 6 ივნისის ღამეს 376 დრონი ჩამოაგდეს, მათ შორის 140-ზე მეტი - სანქტ-პეტერბურგის ოლქის ტერიტორიაზე. 

ოლქის გუბერნატორმა განაცხადა, რომ რუსეთის თავდაცვის სამინისტროს კუთვნილ ერთ-ერთ ობიექტზე ხანძარი გაჩნდა. მისი თქმით, მიმდინარეობს მოსახლეობის ევაკუაცია ლომონოსოვის რაიონში.

ეს შეტევა რეგიონზე რამდენიმე დღით ადრე განხორციელებულ იერიშს მოჰყვა, როდესაც უკრაინულმა ძალებმა 3 ივნისს დილით დაარტყეს სანქტ-პეტერბურგის ნავთობის ტერმინალს. თავდასხმა იმ დროს მოხდა, როდესაც 2026 წლის ეკონომიკური ფორუმის სტუმრები ქალაქში ჩადიოდნენ.

ამავე დროს, იერიშები რუსეთის სხვა რეგიონებშიც განხორციელდა და, გავრცელებული ინფორმაციით, ნავთობის ინფრასტრუქტურის სხვადასხვა ობიექტები დაზიანდა.

სოციალურ ქსელებში გავრცელებული ფოტოებისა და ვიდეოების მიხედვით, ხანძარი გაჩნდა ნავთობის საცავში ქალაქ უსტ-ლაბინსკში, კრასნოდარის მხარეში. 

მოგვიანებით ადგილობრივმა ხელისუფლებამ დაადასტურა, რომ ნავთობის საცავი უკრაინული დრონების სამიზნე გახდა. ოფიციალური ცნობით, ახლომდებარე სახლებიდან 60 ადამიანი ევაკუირებულია.

დაშავებულების შესახებ ინფორმაცია არ გავრცელებულა.

„რუსეთმა უნდა დაასრულოს ეს ომი და შეწყვიტოს სიცოცხლის წინააღმდეგ მიმართული თავდასხმები. უკრაინის მიმართ ნებისმიერი უსამართლობა სამართლიან პასუხს მიიღებს", - განაცხადა ვოლოდიმირ ზელენსკიმ.