უკრაინის შეიარაღებული ძალების მეთაური აცხადებს, რომ უკრაინელი სამხედროები ხარკივსა და იზიუმში კონტრშეტევაზე გადავიდნენ. ქალაქები, რომლის დატოვებაც ოკუპანტებს უწევთ, ნანგრევებადაა ქცეული, აფეთქებების ხმა ხარკივში ახლაც ხშირად ისმის, მოსახლეობა წყლის და ბუნებრივი აირის გარეშეა დარჩენილი, მაგრამ ადგილობრივ ხელისუფლებასა და პოლიციასთან ერთად, ცდილობს, ქალაქს სიცოცხლე დაუბრუნოს.