უკრაინის თავდაცვის სამინისტროს მთავარი სადაზვერვო სამმართველოს წარმომადგენლის, ანდრეი ჩერნიაკის განცხადებით, რუსული ჯაშუშური ქსელი ევროპის ქვეყნებში აქტიურ მუშაობას აგრძელებს.
ჩერნიაკის თქმით, რუსული დაზვერვის პრიორიტეტულ მიზნებს შორის არის ევროპაში გარკვეულ ავტორიტარულ ადამიანებზე ზემოქმედება. ამასთან, ის აღნიშნავს, რომ რუსეთი ასევე აქტიურად მუშაობს მედიასთან.
"ეს არის მათი ღია პროპაგანდის რუპორი, როგორიცაა Russia Today და სხვა უფრო ფარული გავლენის გზები. არის შემთხვევები, როდესაც რუსების მიერ დაკომპლექტებული უცხოური მედიის ჟურნალისტები სამუშაოდ მიდიან მხოლოდ იმ მიზნით, რომ ესაუბრონ თავიანთ კოლეგებს, რათა გავლენა მოახდინონ მათ აზრზე რუსეთის სასარგებლოდ", - თქვა უკრაინის თავდაცვის სამინისტროს მთავარი სადაზვერვო სამმართველოს წარმომადგენელმა.
ჩერნიაკის თქმით, ევროპაში რუსული ქსელის მუშაობის კიდევ ერთი მნიშვნელოვანი მიმართულება დასავლური იარაღის მიწოდების წინააღმდეგობაა.
"რუსეთი დაინტერესებულია მთელი ევროპით, როგორც "გავლენის ზონით". თუ ის დაიმორჩილებს უკრაინას, ის აქ არ გაჩერდება. ის უფრო შორს წავა. ჩვენ ვიცით, რომ პუტინს უკრაინაში შეჭრამდე ასეთი გეგმები ჰქონდა. შესაძლოა, ახლაც არ შეცვლილა", - განაცხადა ჩერნიაკმა.
უკრაინული მედიის ცნობით, რუსეთის ფედერაციის უკრაინაში სრულმასშტაბიანი შეჭრის ფონზე, ევროპულმა ქვეყნებმა თავიანთი ტერიტორიიდან რეკორდული რაოდენობის რუსი "დიპლომატები" გააძევეს, რომლებიც ჯაშუშურ საქმიანობას ეწეოდნენ.
დახურვა