უკვე ყოფილი ბიზნესომბუდსმენი ირაკლი ლექვინაძე, სავარაუდოდ, კონკურენციის სააგენტოს ხელმძღვანელის თანამდებობას დაიკავებს. ამის შესახებ "ფორმულას" ინფორმაცია სანდო წყარომ მიაწოდა.
მოგეხსენებათ, ირაკლი ლექვინაძემ ბიზნესომბუდსმენის თანამდებობა დღეს დატოვა. მისი თქმით, პოზიციიდან წასვლა შეთანხმებულ ალტერნატიულ გეგმებს უკავშირდება.
რაც შეეხება კონკურენციის სააგენტოს, ამჟამად ხელმძღვანელის მოვალეობის შემსრულებელი დავით ჭიჭინაძეა, რომელიც თავის დროზე ნოდარ ხადურის 1-ლი მოადგილის პოსტს იკავებდა.
მედიაში უკვე აქტიურად ვრცელდება ინფორმაცია იმის შესახებაც, რომ სავარაუდოდ ახალი ბიზნესომბუდსმენი შსს-ს მაღალჩინოსანი მიხეილ დაუშვილი იქნება.
დახურვა