ფორმულას წყარო: ოცნებამ ბიზნესმენს ფული მისცა და პარტიის ანგარიშზე ჩაარიცხინა

ფორმულას წყაროს ინფორმაციით, კომპანიამ შპს ეკო პლასტი 77, რომელიც გორშია რეგისტრირებული, ქართულ ოცნებას 100 ათასი ლარი შესწირა.

წყარო ფორმულას უყვება, რომ შპს ეკო პლასტი 77-ს დირექტორს მერაბ ლოხიაურს ქართული ოცნების წევრები დაუკავშირდნენ და შეხვედრა დაუნიშნეს. ფორმულას წყაროს ცნობით, ქართული ოცნების მაღალჩინოსნებმა მერაბ ლოხიაურს 100 ათასი ლარი გადასცეს და ამ თანხის კოვიდ-ფონდში გადარიცხვა მოსთხოვეს.

წყაროს თქმით, 100 ათას ლართან ერთად მერაბ ლოხიაურს ქართული ოცნების მაღალჩინოსნებმა საბანკო ანგარიშიც გადასცეს. გაირკვა, რომ საბანკო რეკვიზიტი არა კოვიდ-ფონდის, არამედ მმართველი გუნდის პარტიის ანგარიში იყო. მერაბ ლოხიაური ადასტურებს, რომ თანხა ნამდვილად გადარიცხა, თუმცა კითხვაზე მისცეს თუ არა ეს ფული ქართული ოცნების მაღალჩინოსნებმა კოვიდ-ფონდში გადასარიცხად ამ კითხვაზე პასუხის გაცემა არ ისურვა.

ჯერჯერობით უცნობია დაინტერესდება თუ არა საეჭვო შეწირულობით აუდიტის სამსახური - არასამთავრობო სექტორის წარმომადგენლები საგამოძიებო უწყებას უახლოეს დღეებში მიმართავენ.