საქალაქო სასამართლოში გრძელდება გიორგი რურუას სასამართლო პროცესი. სხდომაზე, დაცვის მხარესა და მოსამართლეს შორის სიტყვიერი შელაპარაკება მოხდა. ამის მიზეზი კი დაცვის მოთხოვნა გახდა, სასამართლო სხდომაზე ეჩვენებინა სასჯელაღსრულების დაწესებულებაში, რურუას საკნიდან პირადი ნივთების ამოღების ვიდეოკადრები.
აღსანიშნავია, რომ "საერთაშორისო გამჭვირვალობა-საქართველომ" მეგობრობის მოსაზრებით მიმართა სასამართლოს, სადაც აღნიშნულია რომ რურუას მიმართ გამოძიება კანონდარღვევით ჩატარდა. ანგარიშში ასევე აღნიშნულია, რომ რურუასთვის ბრალის დამძიმება უსაფუძვლოა.
"ეს დასკვნა უნდა წარმოგვიდგინოს თავად სასამართლომ და საქმეში დაურთოს. რაც შეეხება პროცესს, ბრალდების მხარე ცდილობს, რომ პოლიტიკური მოტივაცია ჩამოაშოროს ამ საქმეს. ასევე ითხოვს, გამოირიცხოს საკუთარი მტკიცებულებებიდან მის მიერვე მოპოვებული რურუას პირადი საქმეები, რადგან ვიდეოში აშკარად ჩანს როგორ ძალადობით შედიან საკანში პოლიციელები",-აცხადებს უფლებადამცველი შალვა შავგულიძე.
ადვოკატის გიორგი ჩუგოშვილის თქმით კი ვიდეო ჩანაწერი, რომელიც მათ მოეპოვებათ არის რეალური მტკიცებულება იმისა, რომ რურუას წინააღმდეგ სამართალდამცველები კანონდარღვევას სჩადიან.
"ჩვენ მოვითხოვეთ ტექნიკური საშუალება, რათა გვეჩვენებინა ის ვიდეო ჩანაწერი, სადაც ჩანს როგორ სჩადიან დანაშაულს პოლიციელები და როგორ შევარდნენ რურუას საკანში. კადრებში ჩანს, რომ ოქმიც არ შემდგარა იქ და ჩანს, რამდენად უკანონოა პროკურატურა რურუას წინააღმდეგ. როცა მოსამართლემ მისი ჩვენების უფლება არ მოგვცა, მოვითხოვეთ აცილება",-განმარტა ადვოკატმა გიორგი ჩივიაშვილმა.
შეგახსენებთ, რომ რურუა სამართალდამცველებმა საკუთარ სახლში დააკავეს და მას იარაღის უკანონო შენახვა-ტარებას ედავებიან.
დახურვა