მცხეთის აგარაკზე მომხდარი ჩხუბის მონაწილემ, არასრულწლოვანმა ნ.ხ-მ შინაგან საქმეთა სამინისტრო დატოვა.
3-საათიანი დაკითხვის შემდეგ არასრულწლოვნის ადვოკატი ანა ჟღენტი აცხადებს, რომ გამომძიებლებს მისი დაცვის ქვეშ მყოფთან კითხვები არ ჰქონიათ და მხოლოდ მისი სოციალური ქსელი და მოკლე ტექსტური შეტყობინებები ნახეს.
უფლებადამცველი ამტკიცებს, რომ სამართალდამცველებს ახალი გარემოებები არ აღმოუჩენიათ.
"არანაირი კითხვები არ დასმულა. უბრალოდ, მოსამართლის განჩინებით იყო საგამოძიებო მოქმედება იმისათვის, რომ დათვალიერებულიყო სოციალური ქსელები და ჩემი დაცვის ქვეშ მყოფის ტელეფონის მიმოწერა", - განაცხადა ადვოკატმა.
გარდა ამისა, შსს-ში გამოკითხვაზე ამ დრომდე იმყოფება ანა გაბეჩავა.
დახურვა