შინაგან საქმეთა სამინისტრომ კომპიუტერულ სისტემაში უნებართვო შეღწევისა და ქურდობის ბრალდებით უზბეკეთის მოქალაქე 1994 წელს დაბადებული ვ.შ, თბილისში დააკავა.
უწყების ცნობით, გამოძიებით დადგინდა, რომ მიმდინარე წლის 28 ივნისს ვ.შ-მ უნებართვოდ შეაღწია ერთ-ერთი მოქალაქის არსებულ ონლაინ კაზინოსა და ტოტალიზატორის, კერძოდ აჭარაბეთის ანგარიშზე, სადაც აღნიშნულ მოქალაქეს მიბმული ჰქონდა საქართველოს ბანკის პლასტიკური ბარათი. ბრალდებულმა დაზარალებულის ანგარიშიდან საკუთარ საბანკო პლასტიკურ ბარათზე უკანონოდ გადმოირიცხა 9 190 ლარი, რის შემდეგაც მოახერხა თანხის განაღდება.
დანაშაული 2-დან 5 წლამდე ვადით თვაისუფლების აღკვეთს ითვალისწინებს. გამოძიება მიმდინარეობს სსკ-ის 284-ე მუხლის 1-ლი ნაწილით და 177-ე მუხლის მე-2-ე ნაწილის ,,ა’’ ქვეპუნქტით, რაც კომპიუტერულ სისტემაში უნებართვო შეღწევის გზით ჩადენილ ქურდობას გულისხმობს.