შინაგან საქმეთა სამინისტროს ინფორმაციით, დაკავებულია მოქალაქე, რომელმაც აფთიაქი დააყაჩაღა და იქიდან 340 ლარი წაიღო.
"გამოძიებით დადგინდა, რომ ბრალდებულმა ბათუმში, ფრიდონ ხალვაშის გამზირზე, ერთ-ერთი აფთიაქიდან ფარმაცევტს დანის მუქარით ყაჩაღურად გასტაცა 340 ლარი და შემთხვევის ადგილიდან ავტომობილით მიიმალა.
სამართალდამცველებმა გ.ლ. ცხელ კვალზე დააკავეს", - ნათქვამია უწყების განცხადებაში.
ყაჩაღობის ფაქტზე გამოძიება საქართველოს სისხლის სამართლის კოდექსის 179-ე მუხლით მიმდინარეობს. დანაშაული 5-დან 7 წლამდე ვადით თავისუფლების აღკვეთას ითვალისწინებს.
დახურვა