სამხრეთ კორეის ინფორმაციით, ჩრდილოეთ კორეამ თავის ტერიტორიაზე კორეათაშორისი გზისა და რკინიგზის მონაკვეთები ააფეთქა.
გაერთიანებული შტაბის ხელმძღვანელობის (JCS) განცხადებით, დაახლოებით, შუადღისას, ჩრდილოეთში სამხრეთთან დამაკავშირებელი გზებისა და სარკინიგზო ხაზების ზოგიერთი მონაკვეთი აფეთქდა. საპასუხოდ, სამხრეთ კორეის სამხედროებმა გამაფრთხილებელი გასროლა გააკეთეს სამხედრო სადემარკაციო ხაზის სამხრეთით, რომელიც ყოფს მეზობლებს, თუმცაღა აფეთქებებს სეულის საზღვრის მხარეს არანაირი ზიანი არ მიუყენებია.
აფეთქება მოხდა მას შემდეგ, რაც გასულ კვირას ფხენიანმა დაიმუქრა, რომ მთლიანად გადაკეტავდა კორეათაშორის გზებსა და სარკინიგზო ხაზებს და თავის საზღვართან რაიონებს გაამაგრებდა. JCS-ის ინფორმაციით, საზღვრის გასწვრივ ჩრდილოეთი უკვე ამონტაჟებს ნაღმებსა და ბარიერებს, ხოლო ორშაბათს მძიმე ტექნიკით მუშაობა შეინიშნებოდა.
ორი კორეა ტექნიკურად კვლავ ომშია მას შემდეგ, რაც მათი 1950-53 წლების ომი დასრულდა ზავით და არა სამშვიდობო ხელშეკრულებით. ტრანსსასაზღვრო კავშირები კი ქვეყნებს შორის დაახლოების პერიოდების ნარჩენებია. სამხრეთ კორეამ კორეათაშორისო გზის აღსადგენად 180 მილიარდი ვონი ($132 მილიონი) დახარჯა.
სიტყვიერი დაპირისპირება კი ორ კორეას შორის მას შემდეგ გამწვავდა, რაც ჩრდილოეთ კორეამ თავისი მეზობელი ფხენიანის თავზე დრონების გაგზავნაში დაადანაშაულა. ჩრდილოეთი ირწმუნება, რომ დრონებმა დიდი რაოდენობის "ანტიჩრდილოური" ბროშურები გაავრცელეს, რასაც მათ პოლიტიკური და სამხედრო პროვოკაცია უწოდეს, რამაც შესაძლოა შეიარაღებული კონფლიქტი გამოიწვიოს.
JCS პრესსპიკერმა უარი თქვა ეპასუხა კითხვაზე, დრონებს სამხედროები მართავდნენ თუ სამოქალაქო პირები.
დახურვა