„ფეისბუკის" აღმასრულებელი დირექტორი ჰონგ-კონგელების პროტესტს მხარდაჭერას უცხადებს და იმედს გამოთქვამს, რომ ადგილობრივები პლატფორმას საკუთარი აზრის დასაფიქსირებლად კვლავ გამოიყენებენ.
განცხადება მარკ ცუკერბერგმა „ფოქს ნიუსთან" ინტერვიუში გააკეთა და განმარტა, რომ ჰონგ-კონგში განვითარებულ მოვლენებს ყურადღებით აკვირდება.
ჩინეთის პარლამენტმა ჰონგ-კონგთან დაკავშირებით სადაო კანონის მიღებას მხარი დაუჭირა, რასაც რეგიონში არეულობის ახალი ტალღა მოჰყვა. დოკუმენტის თანახმად ავტონომიის ტერიტორიაზე ჩინეთის მმართველობის წინააღმდეგ გადადგმული ნებისმიერი სახის ნაბიჯი დანაშაულად ითვლება.