ძამის ხეობაში ხანძარია. ცეცხლის კერა ხეობის სამხრეთ-აღმოსავლეთით, გორისა და ქარელის მუნიციპალიტეტების მიჯნაზე, ჯამჯამის მთიდან რამდენიმე კილომეტრის დაშორებით ფიქსირდება. შსს-ს საგანგებო სიტუაციების მართვის შიდა ქართლის სამმართველოს მეხანძრე-მაშველები შემთხვევის ადგილზე იმყოფებიან, თუმცა უკიდურესად რთული რელიეფიდან გამომდინარე, ცეცხლის კერის სიახლოვეს ტრანსპორტით გადაადგილება ვერ ხერხდება. ხანძრის მასშტაბი ჯერჯერობით დაუზუსტებელია. ამ დროისთვის არსებული ინფორმაციით, ცეცხლი ტყის ქვედა ზოლშია გაჩენილი.
დახურვა