ოკუპირებულ სოხუმში, ძლიერი წვიმის შედეგად, 10-მდე ქუჩაზე, სახლები დაიტბორა. ზოგიერთ ქუჩაზე წყლის დონე 1.5 მეტრსაც აღწევდა.
ე.წ. საგანგებო სიტუაციების მართვის სამსახურის ინფორმაციით, ასევე დაიტბორა ე.წ. შინაგან საქმეთა სამინისტრო და დე ფაქტო მინისტრთა კაბინეტი.
შექმნილი ვითარების გამო, რამდენიმე ქუჩის მოსახლეობის ევაკუაცია გახდა საჭირო.
ქალაქის ნაწილს ელექტროენერგია არ მიეწოდება.
დახურვა