წყალდიდობა და მეწყერი ბრაზილიაში - სტიქიას 30 ადამიანი ემსხვერპლა

გადაუღებელმა წვიმამ ბრაზილიაში მასშტაბური წყალდიდობა და მეწყერი გამოიწვია. სტიქია ქვეყნის სამხრეთ აღმოსავლეთ შტატებს დაატყდა თავს. 110-წლიანი მეტეოროლოგიური დაკვირვების პერიოდში რეგიონში ერთ დღეში რეკორდული რაოდენობის ნალექი მოვიდა. წინასწარი მონაცემებით, სტიქიას 30 ადამიანი ემსხვერპლა, 17 კი ამ დრომდე დაკარგულად მიიჩნევა. წყალდიდობის გამო 3 ათასამდე ადამიანს საცხოვრებელი სახლის დატოვებაც მოუწია.