ჭიათურა - ყოფილი შენობების ქალაქი

ყოფილი შენობების ქალაქი - ასე ახასიათებს ჭიათურას ამ მუნიციპალიტეტის მერობის დამოუკიდებელი კანდიდატი. ყოფილი კინოთეატრი, ყოფილი ქარხანა, ყოფილი საავადმყოფო, ყოფილი პროკურატურა... ნოდარ ჩაჩანიძეს მიაჩნია, რომ ის არის სწორად დამიზნებული იარაღი, რომელიც ჭიათურელებმა უკეთესი მომავალის შექმნისთვის უნდა გამოიყენონ. ჩაჩანიძე, რომელსაც ადგილობრივ არჩევნებზე ოპოზიციური პარტიების უმეტესობა მხარს უჭერს, ამბობს, რომ დროა, მოსახლეობამ უარი თქვას არსებულ რეალობაზე და მხარი დაუჭიროს ცვლილებებს.