ხელვაჩაურში, ყოფილი სამხედრო ბაზის მიმდებარე ტერიტორიაზე 29 ადამიანის ნეშტი აღმოაჩინეს.
ისტორიკოსების თქმით, ნეშტები საბჭოთა პერიოდში, 1937-1938 წლებში რეპრესიების დროს დახვრეტილ ადამიანებს ეკუთვნით.
ტერიტორიაზე სამუშაოები 2016 წლიდან, ბათუმის და ლაზეთის ეპარქიის ინიციატივით მიმდინარეობდა. ნეშტებთან ერთად სამარხში აღმოჩენილია მონეტები, რომელიც 1930-იანი წლებით თარიღდება.
გარდა ქართველი არქეოლოგებისა, პროცესში ჩართული არიან პოლონელი სპეციალისტებიც.
"სამარხში 29 ნეშტის ფრაგმენტებს ვხედავთ, ვხედავთ ნაიარევის კვალს, უმეტესად იარაღით მიყენებულს, თუმცა დეტალური ინფორმაციის თქმა, შესწავლის შემდეგ შეგვეძლება. შევეცდებით შევაფასოთ თითოეულის სავარაუდო ასაკი, სქესი და სიკვდილის შესაძლო მიზეზი", - ამბობს არქეოლოგი.
დახურვა