ჯანდაცვის მინისტრი აჭარაში კერძო კლინიკების აქტიურობით უკმაყოფილოა

აჭარაში რთული ეპიდემიოლოგიური ვითარებაა. ბათუმში პაციენტების კლინიკებში გადაყვანა უადგილობის გამო ფერხდება, არადა ჰოსპიტალური სექტორის რესურსი ბოლომდე ათვისებული არ არის. იგულისხმება კერძო კლინიკები, რომელთანაც კომუნიკაცია გართულებულია. ჯანდაცვის მინისტრი აჭარაში საავადმყოფოების აქტიურობით უკმაყოფილოა. მსგავსი კრიზისი კომუნიკაციაში წინა პიკის დროს არ ყოფილა. კოვიდ მიმღებად კერძო კლინიკებს გადაკეთება მთავრობის თავმჯდომარემ უნდა დაავალოს, მაგრამ ცნობილია, რომ ირაკლი ღარიბაშვილს საგანგებო მდგომარეობის გამოცხადება არჩევნების წინ არ სურს.