ჯასტინ ბიბერის საკონცერტო ტურნე გაურკვეველი ვადით გადაიდო

ჯასტინ ბიბერის 2020 წლის საკონცერტო ტურნე გაურკვეველი ვადით გადაიდო. მიზეზი კოვიდ-19-ის გამო მსოფლიოში შექმნილი ვითარებაა. ამის შესახებ პოპვარსკვლავმა სოციალურ ქსელში დაწერა და ღრმა მწუხარება გამოთქვა იმ ადამიანების მიმართ ვინც პანდემიამ დააზარალა. კანადელი მომღერლის 2020 წლის საკონცერტო ტურნე 14 მაისს სიეტლიდან უნდა დაწყებულიყო. ფინალური შოუს გამართვა კი ნიუ-ჯერსიში 26 სექტემბერს იყო დაგეგმილი.