ლუჰანსკის რეგიონული სამხედრო ადმინისტრაციის ხელმძღვანელის, სერჰი ჰაიდაის განცხადებით, რუსი ოკუპანტები ლუჰანსკის ოლქის საზღვრამდე მისვლას სამი მხრიდან ცდილობდნენ, მაგრამ უკან დაიხიეს.
ჰაიდაის თქმით, ბოლო 24 საათის განმავლობაში მტერმა ლუჰანსკის რეგიონის ტერიტორიაზე სამი რაკეტა გაისროლა და სამი მასიური საარტილერიო შეტევა განახორციელა.
"მეექვსე თვეა, ლუჰანსკის რეგიონი რუსეთის შემოჭრას ეწინააღმდეგება," - განაცხადა ლუჰანსკის რეგიონული სამხედრო ადმინისტრაციის ხელმძღვანელმა.
რუსეთი უკრაინაში 2022 წლის 24 თებერვალს შეიჭრა. რუსულ სამხედრო ძალებს ათასობით მშვიდობიანი მოქალაქის სიცოცხლე ემსხვერპლა. ლტოლვილად და იძულებით გადაადგილებულ პირად 10 მილიონზე მეტი ადამიანი იქცა.
დახურვა