„მსოფლიო რადიაციულ ავარიას გადაურჩა“ — ვოლოდიმირ ზელენსკი

მსოფლიო რადიაციულ ავარიას გადაურჩა- ეს განცხადება ვოლოდიმირ ზელენსკიმ გააკეთა. ზაპოროჟიეს ატომურ ელექტრო-სადგურზე გუშინ მომხდარი ინციდენტი უკრაინის ლიდერის ტრადიციული მიმართვის მთავარი თემა იყო. ობიექტი გუშინ რუსეთის იერიშების გამო ენერგო-ქსელიდან გამოირთო, რაც მისი არსებობის ისტორიაში პირველად მოხდა. უკრაინა ჩერნობილის კატასტროფის გამეორების თავიდანასაცილებლად საერთაშორისო გაერთიანებას მოუწოდებს რუსეთზე ზეწოლა გააძლიეროს.