რაც შეეხება მოლაპარაკებების გახსნას - ვფიქრობ, მაქსიმუმ მომავალ წელს ეს ამოცანაც შესრულდება. არ აქვს არსებითი მნიშვნელობა, თუნდაც იყოს ორ წელიწადში თუ ერთ წელიწადში, თუ როცა იქნება. საბოლოო ჯამში, თქვენ იცით, რომ ჩვენი სამიზნე არის მაინც 2030 წელი. სწორედ ამ კონტექსტში საუბრობენ ევროკავშირის გაფართოებაზე, მანამდე, როდის მოხდება მოლაპარაკებების გახსნა ეს არის ტექნიკური დეტალი და მეტი არაფერი. რა თქმა უნდა, ეს დეტალიც მნიშვნელობის მატარებელი.
შეიძლება წლის ბოლოსაც მოხდეს [მოლაპარაკებების გახსნა]. გააჩნია, კონტექსტი როგორ იქნება წლის ბოლოსთვის.
თქვა პრემიერმინისტრმა ირაკლი კობახიძემ იმედის ეთერში საქართველოს ევროკავშირში გაწევრიანებაზე საუბრისას.
რუსული კანონის მიღების შემდეგ დასავლელი პარტნიორები საქართველოს უკუსვლაზე საუბრობენ, მათ შორის ევროკავშირის ელჩმა პაველ ჰერჩინსკიმ თქვა, რომ საქართველოს ევროკავშირში გაწევრიანება შეჩერებულია.
დახურვა
