ამ კვირაში, ჩვენ მივიღეთ ძლიერი სიგნალები პარტნიორებისგან და კონკრეტული შეთანხმებები რუსეთის პასუხისმგებლობის დაკისრების გარდაუვალობის შესახებ აგრესიისთვის, უკრაინისა და მისი ხალხის წინააღმდეგ ტერორისთვის.
რუსეთის ყოველი თავდასხმა ქალაქ ხარკივსა და რეგიონზე, სუმის ოლქსა და დონეცკის ოლქზე, ხმელნიცკიზე, ჩვენს ნიკოპოლზე და სახელმწიფოს ყველა კუთხეზე კონკრეტული სამართლებრივი შედეგების მომტანი იქნება ტერორისტული სახელმწიფოსთვის.
ტრადიციულად, მადლობა მინდა გადავუხადო ყველას, ვინც ამჟამად სახელმწიფოს იცავს ბრძოლის ველზე. განსაკუთრებით მინდა აღვნიშნო ყველა, ვინც დონეცკის რეგიონს იცავს. ყველაზე სასტიკი და პრინციპული ბრძოლა იქ მიმდინარეობს. დაპირისპირება, რომელზეც ბევრი რამ არის დამოკიდებული, რისთვისაც ახლო მომავალში ვემზადებით.
მადლობას ვუხდი 79-ე ცალკეული ბრიგადის სადესანტოებს, 35-ე ცალკეულ საზღვაო ქვეითებს, 72-ე ცალკეული მექანიზირებული ბრიგადის ქვეითებს, 55-ე ცალკეული და 27-ე სარაკეტო საარტილერიო ბრიგადების ჯარისკაცებს. დიდება ყველას და ყველას, ვინც დღეს ბრძოლაშია! მარადიული ხსოვნა ყველას, ვისი სიცოცხლეც ამ ომმა, ამ სახელმწიფომ - რუსეთმა - და მისმა აგრესიამ შეიწირა! დიდება უკრაინას!
განაცხადა უკრაინის პრეზიდენტმა, ვოლოდიმირ ზელენსკიმ.
დახურვა
