ქართული ოცნება პრობლემების მოგვარების პირობას ფასადურადაც კი არ გასცემს, სანაცვლოდ მმართველობის მეთორმეტე წელს ოლიგარქი ილუზიების სამყაროში ცხოვრებას გვთავაზობს. ამას ადასტურებს ქართული ოცნების წინასაარჩევნო ტყუილების მრავალფეროვნებაც. ფორმულამ გადაამოწმა პრემიერ-მინისტრის მიერ გავრცელებული ინფორმაცია სკოლების რეაბილიტაციის შესახებ. გაირკვა, რომ დასრულებულად გამოცხადებული პროექტების ნაწილში აღდგენითი სამუშაოები ჯერ არც კი დაწყებულა. განათლების სფეროს ექსპერტები ამ საკითხს ფართო ჭრილში განიხილავენ და ამბობენ, რომ იკვეთება სისტემური პრობლემა და კორუფციის ნიშნები. საჯარო სკოლებში ორშაბათიდან დაირეკება პირველი ზარი, მაგრამ ათასობით მოსწავლეს იძულებით ისევ ალტერნატიულ სივრცეში მოუწევს განათლების მიღება.
დახურვა
