რა მოტივით დაესხა თავს ღარიბაშვილი PSP-ს. მთავრობის სხდომაზე პრემიერმა ფარმაცევტული კომპანიის საქმიანობას პირდაპირ მტრობა უწოდა. ინფორმაციას ვერც მთავრობის სხვა წევრები ადასტურებენ, თავად ღარიბაშვილიც აღიარებს, რომ ამბავი დაუზუსტებელია, მაგრამ მაინც თქვა, რომ ფარმაცევტი მომხმარებელს თურქულ, იაფ წამალს უმალავს. ბრალდებებს უარყოფს კომპანია, რომლის დამფუძნებელი ოპოზიციონერი დეპუტატია. ოპოზიციისთვის ამით აიხსნება მთავრობის შეტევა მისთვის უკონტროლო ბიზნესზე.