მეტროსადგურ ვარკეთილის რეაბილიტაციის ისტორია გრძელდება. ობიექტმა წლების განმავლობაში არა ერთი პრობლემური ეტაპი გაიარა - საეჭვო ტენდერი; ჩამონგრეული ჭერი; შემდეგ ისევ ტენდერი, რომელიც ჩაიშალა; ამის მერე კიდევ ერთი ტენდერი და ვალდებულება, რომელიც კომპანიამ ვერ შეასრულა; შეწყვეტილი ხელშეკრულება. ახლა თბილისის მერია უკვე პირდაპირი შესყიდვის წესით აპირებს კომპანიის შერჩევას.