აგვისტოს პირველ ოთხ დღეში ქართულმა ოცნებამ 1 404 370 ლარის შემოწირულება მიიღო. ინფორმაცია აუდიტის სამსახურის პოლიტიკური მონიტორინგის ანგარიშშია ასახული.
რაც შეეხება 4 აგვისტოს შემდეგ გაკეთებულ შეწირულებებს, ვებგვერდზე მონაცემები არ არის ასახული.
მაქსიმალური თანხა - 60 000 ლარი მმართველ პარტიას 9 ფიზიკურმა პირმა შესწირა: დევი დუნდუამ, გიორგი ცუცქირიძემ, სულიკო ჭყონიამ, ირაკლი ვეკუამ, რამაზ გუჯაბიძემ, ლევან ქურაძემ, ბესარიონ ბაჯელიძემ, თემურ მამულაძემ, ლევან მჟავანაძემ.
ვებგვერდის თანახმად, ნაციონალურ მოძრაობას პირველ აგვისტოს 6 080 ლარი შესწირეს.
ყოფილი პრემიერმინისტრის, გიორგი გახარიას პარტიამ 1-4 აგვისტოს 6 290 ლარის შემოწირულება მიიღო.
აგვისტოში 35 ათასი ლარის შემოწირულება მიიღო ევროპულმა საქართველომ.
დახურვა