ამერიკის შეერთებული შტატების სახელმწიფო დეპარტამენტი საოკუპაციო ხაზის მიმდებარედ ზაზა გახელაძის გატაცებას ეხმაურება.
უწყების პრესსპიკერის მიერ გავრცელებულ განცხადებაში ნათქვამია, რომ აშშ გმობს რუსეთის ქმედებებს და მოითხოვს 2008 წლის ცეცხლის შეწყვეტის შესახებ შეთანხმების სრულად შესრულებას.
მორგან ორტაგუსი საქართველოში აშშ-ის საელჩოს განცხადებას აზიარებს და წერს, რომ მოქალაქის დაჭრასა და დაკავებას სახელმწიფო დეპარტამენტი გმობს.
„მკაცრად ვგმობთ საქართველოს მოქალაქის დაჭრას და დაკავებას რუსული სამხედრო ძალების მიერ და მოვუწოდებთ მისი დაუყოვნებლივი გათავისუფლებისკენ. ამავდროულად, კიდევ ერთხელ მოვითხოვთ რუსეთისგან, შეასრულოს 2008 წლის ცეცხლის შეწყვეტის შესახებ შეთანხმებით ნაკისრი ვალდებულებები", - ვკითხულობთ განცხადებაში.
We strongly condemn the shooting and detention of a Georgian citizen by Russian-led forces, and we call for his immediate release. Once again, we demand that Russia fulfill its commitments under the 2008 ceasefire agreement. https://t.co/wZVmcqrYbK
ზაზა გახელაძე რუსმა ოკუპანტებმა 11 ივლისს გაიტაცეს და ფეხში დაჭრეს - მისი ჯანმრთელობის მდგომარეობის შესახებ ზუსტი ინფორმაცია ამ დრომდე უცნობია.
დახურვა