აშშ-ის სახელმწიფო მდივანი, ენტონი ბლინკენი და თავდაცვის მდივანი, ლოიდ ოსტინი 24 აპრილს კიევში ვოლოდიმირ ზელენსკის შეხვდნენ.
შეხვედრის შემდეგ აშშ-მ განაცხადა, რომ $700 მილიონზე მეტს გამოყოფს რუსეთის წინააღმდეგ საბრძოლველად.
თანხის ნაწილი პირდაპირ უკრაინაში წავა, ნაწილს კი NATO-ს წევრი ქვეყნები და სხვა რეგიონული მხარდამჭერები გაინაწილებენ.
ამასთან, აშშ უკრაინას $165 მილიონის ტყვია-წამალს მიაწვდის.
აშშ-ის უმაღლესი თანამდებობის პირების ვოლოდიმირ ზელენსკისთან შეხვედრა, უსაფრთხოების მიზნებიდან გამომდინარე, საიდუმლო იყო.
ენტონი ბლინკენი და ლოიდ ოსტინი ზელენსკისთან ერთად შეხვდნენ უკრაინის საგარეო საქმეთა მინისტრს - დმიტრო კულებას, თავდაცვის მინისტრს - ოლექსი რეზნიკოვს და შინაგან საქმეთა მინისტრს - დენის მონასტირსკის.
განცხადება აშშ-ის დახმარების შესახებ შეხვედრის დასრულების შემდეგ გავრცელდა.
რუსეთის შეჭრის დაწყებიდან ეს ამერიკელი დიპლომატების პირველი ვიზიტი იყო უკრაინაში.
დახურვა