აშშ-ის თავდაცვის დეპარტამენტის წარმომადგენელი აცხადებს, რომ მუშაობენ, რათა კრაინას იარაღი "უპრეცედენტო სიჩქარით" მიაწოდონ.
რუსეთის მიერ უკრაინაში შეჭრის შემდეგ ბაიდენის ადმინისტრაციამ უკრაინას $2.3 მილიარდის სამხედრო დახმარება აღმოუჩინა, მიაწოდა მას იარაღი, ტყვია-წამალი და აღჭურვილობა. ასევე, იარაღის საყიდლად გამოყო 300 მილიონი დოლარი უკრაინის უსაფრთხოების დახმარების ინიციატივის ფარგლებში.
"ეს ყველაზე დიდი დახმარებაა, რაც აშშ-მ პარტნიორ ქვეყანას გაუწია". - აცხადებს აშშ-ის თავდაცვის უწყების წარმომადგენელი.
მისივე თქმით, აშშ-ის სამხედრო მარაგებიდან აღჭურვილობის სხვა ქვეყნებში გადაზიდვის პროცესი, რომელსაც წარსულში კვირები ან თვეები სჭირდებოდა, ახლა შეიძლება 48-დან 72 საათამდე დროში შესრულდეს.
რუსეთმა აღმოსავლეთ უკრაინაზე შეტევები განაახლა. რუსეთის განცხადებით, ეს "სამხედრო ოპერაციის მეორე ფაზაა". 19 აპრილს იბომბება აზოვსტალის ქარხანა მარიუპოლში, რომელშიც გამაგრებულები არიან მარიუპოლის მცველები - აზოვის ბატალიონი და 36-ე საზღვაო ქვეითი ბრიგადა, ასევე, მას თავს აფარებს 1000-მდე ბავშვი და მოხუცი.
დახურვა