ახალი ავტობუსები და ძველი სქემა

თითქმის ოთხწლიანი დაგვიანებით თბილისში პირველი 18 მეტრიანი ავტობუსები გამოჩნდა. ამ ეტაპზე მხოლოდ 9. ჯამში მერია 160 ავტობუსს ყიდულობს და რამდენიმე ათეული მილიონით მეტს ხარჯავს ბიუჯეტიდან, ვიდრე ტრანსპორტის შეძენა EBRD-ის სახსრებით შეეძლო. კალაძის ოპონენტები აქაც კორუფციაზე მიუთითებენ. ავტობუსების შეძენა და ჩამოყვანა კალაძემ მაინც ვერ დაგეგმა ისე, რომ საჭირო ინფრასტრუქტურა დაეხვედრებინა. ფორმულამ კიდევ ერთხელ გადაიღო ის ავტობაზა, რომელიც 18-მეტრიანი ავტობუსებისთვის მზადდება, 62-მილიონიანი პროექტი მარტში უნდა დასრულდეს, ადგილზე აქტიური სამუშაოები ჯერ არ მიმდინარეობს.