ბარსელონაში ყველაზე პოპულარულმა ტურისტულმა ღირსშესანიშნაობამ, "საგრადა ფამილიამ" მუშაობა განაახლა, თუმცა ზოგადი ვითარება რეგიონში მკვეთრად გაუარესდა. კატალონიის მთავრობამ, ინფიცირების მზარდი შემთხვევების გამო, 200 000-ზე მეტი მოსახლე კვლავ იზოლაციაში მოაქცია.
ბარსელონის დასავლეთით მდებარე სეგრიას რეგიონში დღეს საღამოდან შესვლა-გამოსვლა იკრძალება. საკარანტინე ზომების აღდგენა რეგიონში მას შემდეგ გადაწყვიტეს, რაც ინფიცირების ახალი 400 შემთხვევა გამოვლინდა. ვირუსს ორი ადამიანიც ემსხვერპლა.