კლუბ „ბასიანთან“ მომხდარი სროლის შედეგად დაშავებული სამი ადამიანის მდგომარეობა დამაკმაყოფილებელია. ერთ-ერთი დაზარალებული, რომელსაც ჭრილობა ზურგის არეში ჰქონდა მიყენებული, კლინიკიდან უკვე გაწერეს და მკურნალობას სახლში განაგრძობს. ორ დაზარალებულს ჩაუტარდა ოპერაცია და ამ ეტაპზე სტაციონარში იმყოფებიან ექიმების ზედამხედველობის ქვეშ.
„შემოვიდა სამი პაციენტი - ორი მამაკაცი და ერთი ქალბატონი. არენიშნებოდათ სხვადასხვა ჭრილობები. ორი პაციენტი რჩება სტაციონარში. ერთი პაციენტის მდგომაროება იყო დამაკმაყოფილებელი და გაიწერა კლინიკიდან. ამჟამად არიან დაკვირვების ქვეშ და გადიან მკურნალობის კურსს“, - ამბობს ექიმი სულხან სამხარაძე.
როგორც კლინიკაში „ფორმულას“ ზედაპირული დათვალიერების შემდეგ განუცხადეს, დაზარალებულებს, სავარაუდოდ, ორი სხვადასხვა იარაღით მიაყენეს ჭრილობა - საფანტი და ცეცხლსასროლი იარაღებით. თუმცა, ამ ვარაუდის ავთენტურობას ექსპერტიზა დაადგენს.
კლინიკის ტერიტორიაზე იმყოფებიან როგორც დაზარალებულთა ახლობლები, ისე კლუბ „ბასიანის“ დამფუძნებელი, ნაჯა ორაშვილი.
„ბასიანთან“ სროლა დღეს, 12 იანვარს, გამთენიისას მოხდა.
დახურვა