შეშფოთებული ვარ ამ კვირაში საქართველოს დედაქალაქ თბილისში სამართალდამცავი ორგანოების თანამშრომლების მიერ დემონსტრანტებისა და მედიის მუშაკების წინააღმდეგ არასაჭირო და არაპროვოცირებული ძალის გამოყენების შესახებ.
ათასობით ქართველი დღეებია აპროტესტებს კანონპროექტს უცხოური გავლენის გამჭვირვალობის შესახებ და ხელისუფლებამ სრულად უნდა სცეს პატივი და დაიცვას მათი უფლებები გამოხატვის თავისუფლებისა და მშვიდობიანი შეკრების შესახებ. ამ უფლებების ნებისმიერი შეზღუდვა უნდა შეესაბამებოდეს კანონიერების, აუცილებლობისა და პროპორციულობის პრინციპებს. საპროტესტო აქციების დროს ძალის გამოყენება ყოველთვის უნდა იყოს გამონაკლისი და გადამწყვეტი საზომი საფრთხის წინაშე.
მოვუწოდებ ხელისუფლებას, ჩაატაროს სწრაფი და გამჭვირვალე გამოძიება არასათანადო მოპყრობის შესახებ ყველა ბრალდებაზე საპროტესტო აქციების დროს ან მის შემდეგ, ან დაკავებისას. ყველა, ვინც თვითნებურად დააკავეს გამოხატვის თავისუფლებისა და მშვიდობიანი შეკრების უფლების განხორციელებისთვის, დაუყოვნებლივ უნდა გათავისუფლდეს. მათ წინააღმდეგ აღძრული ბრალდებები ასევე უნდა მოხსნას.
ასევე მოვუწოდებ დემონსტრანტებსა და პროტესტის ორგანიზატორებს, ისარგებლონ თავიანთი უფლებებით მშვიდობიანი გზით და არ მიმართონ ძალადობას.
საქართველოს ხელისუფლებას მოვუწოდებ, ეს კანონპროექტი უკან გაიწვიოს, და დიალოგში ჩაერთოს, მათ შორის სამოქალაქო საზოგადოებასა და მედია ორგანიზაციებთან. იმ არასამთავრობო ორგანიზაციებსა და მედია საშუალებებისთვის, რომლებიც უცხოურ დაფინანსებას იღებენ, "უცხოურო ძალის ინტერესებით მოქმედ ორგანიზაციების" იარლიყის მიწებება, სერიოზულ საფრთხეს უქმნის გამოხატვისა და გაერთიანების თავისუფლების უფლებებს.
დახურვა