გერმანია ამერიკის შეერთებულ შტატებთან თანამშრომლობის ფარგლებში უკრაინას წლის ბოლომდე კიდევ 45 საზენიტო ჯავშან მანქანა - Gepard-ს გადასცემს. შესაბამისი განცხადება გენერალმა კრისტიან ფრეიდინგმა გამოცემა Welt am Sonntag-თან ინტერვიუში გააკეთა.
გამოცემა წერს, რომ ამ დროისთვის გერმანიამ უკრაინას 34 Gepard-ი უკვე გადასცა, კიდევ 15 ჯავშან მანქანა უახლოეს კვირებში ჩავა უკრაინაში.
გენერალი ამბობს, რომ Gepard-ი საჭიროა, რათა უკრაინამ საჰაერო თავდაცვა გაიუმჯობესოს.
"ჩვენ ყველაფერს ვაკეთებთ, რაც შეგვიძლია. თუმცა, მიუხედავად ამისა, აქვს თუ არა უკრაინას საკმარისი საჰაერო თავდაცვა? ცალსახად არა", - თქვა ფრეიდინგმა.
მისივე თქმით, გერმანია 2023 წლის ბოლომდე უკრაინას კიდევ 2 საზენიტო-სარაკეტო კომპლექსს გადასცემს, ხოლო მომდევნო წელს ოთხს.
დახურვა