ევროპული საბჭოს პრეზიდენტმა ბელარუსის კრიზისზე საგანგებო შეხვედრა დანიშნა. ამის შესახებ ინფორმაცია საბჭოს პრეზიდენტმა, შარლ მიშელმა Twitter-ის საკუთარ გვერდზე გაავრცელა.
"მოვუწოდებ ევროპული საბჭოს წევრებს, რომ ბელარუსში არსებულ სიტუაციაზე 19 აგვისტოს, 12 საათზე ვისმჯელოთ. ბელარუს ხალხს უფლება აქვს, გადაწყვიტოს საკუთარი მომავალი და თავისუფლად აირჩიოს თავისი ლიდერი. დემონსტრანტებზე ძალადობა მიუღებელი და დაუშვებელია", - წერს ევროპული საბჭოს პრეზიდენტი.
I will call a meeting of the members of the European Council this Wednesday 12h00 to discuss the situation in #Belarus
The people of Belarus have the right to decide on their future and freely elect their leader
Violence against protesters is unacceptable and cannot be allowed
მისი პრესსპიკერი, ასევე Twitter-ის მეშვეობით იტყობინება, რომ საგანგებო შეხვედრა ვიდეოკონფერენციის სახით გაიმართება, ტექნიკურ დეტალებს კი მოგვიანებით გაავრცელებს.
საგანგებო სამიტის დანიშვნის შესახებ ევროპული საბჭოსა და ევროკომისიის პრეზიდენტებს პოლონეთის პრემიერმინისტრმა 10 აგვისტოს მოუწოდა.
რამდენიმე დღის წინ ევროკავშირის წევრი ქვეყნების საგარეო საქმეთა მინისტრების დახურული შეხვედრა გაიმართა. შეხვედრის შემდეგ, 14 აგვისტოს ცნობილი გახდა, რომ მათ ბელარუსისთვის სანქციების დაწესებას მხარი დაუჭირეს. ევროკავშირი აპირებს შეიმუშავოს "შავი სია", ვის მიმართაც იქნება მიმართული სანქციები.
9 აგვისტოს ბელარუსში საპრეზიდენტო არჩევნები გაიმართა. ცესკოს მონაცემებით, ქვეყნის მოქმედმა პრეზიდენტმა არჩევნებზე 80.23% მოიპოვა. ლუკაშენკოს მთავარმა ოპონენტმა, სვეტლანა ტიხანოვსკაიამ 9.9% მოპოვება შეძლო.
ეგზიტპოლის გამოქვეყნების შემდეგ, მოსახლეობა გარეთ გამოვიდა. მომიტინგეები ოფიციალური ეგზიტპოლის შედეგებს აპროტესტებდნენ. ბოლო რამდენიმე დღის განმავლობაში ათობით ადამიანი დაშავდა, 2 კი გარდაიცვალა.
დახურვა