ევროკავშირი ე.წ. უსაფრთხო ქვეყნების საბოლოო სიაზე დღესაც ვერ შეთანხმდა. ორგანიზაციას ჩამონათვალი გუშინ უნდა გაევრცელებინა, თუმცა პროცესი გადაიდო.
სიაში შესული სახელმწიფოების მოქალაქეებს ევროკავშირის ტერიტორიაზე მოგზაურობა 1-ლი ივლისიდან, კარანტინის გარეშე, შეეძლებათ. 27 წევრი ქვეყნების ელჩებმა შეხვედრაზე საზღვრების გახსნის კრიტერიუმები განიხილეს. გავრცელებული ცნობით, სიის თავდაპირველ ვარიანტში 20-მდე ქვეყანა შევა, თუმცა მათ შორის ვერ მოხვდებიან შეერთებული შტატები, ბრაზილია და რუსეთი.
ევროკავშირი უსაფრთხო ქვეყნების სიას, სახელმწიფოებში ეპიდემიოლოგიური სიტუაციიდან გამომდინარე, პერიოდულად გადახედავს.