ზაპოროჟიეს დაბომბვის შედეგად 3 ადამიანი დაიღუპა, მათ შორის 1 ბავშვია. ინფორმაციას რეგიონის სამხედრო ადმინისტრაცია ავრცელებს.
ზაპოროჟიეს ადმინისტრაციის ინფორმაციით დაბომბვა დღეს დილით დაიწყო. X-55 ტიპის რაკეტების ჩამოგდების შედეგად 2 კერძო სახლი დაზიანდა.
„ზაპოროჟიე, დილა, მტრის რაკეტების შემოსვლა. პირველადი ინფორმაციით, 2 სახლი კერძო სახლი დაზიანდა. თავდასხმა რუსეთის ავიაციამ განახორციელა. X-55 "ჰაერიდან-მიწამდე" ტიპის რაკეტები გამოიყენეს“, - წერია ზაპოროჟიეს სამხედრო ადმინისტრაციის განცხადებაში.
ჯერჯერობით ცნობილია 3 დაღუპულის შესახებ.
გარდა ამისა, ხარკივის რეგიონული ადმინისტრაციის ხელმძღვანელის, ოლეგ სინეგუბოვის ცნობით გასულ დღეს ხარკივზე 11 საარტილერიო თავდასხმა განხორციელდა. რეგიონში დაბომბვის შედეგად 8 ადამიანი დაშავდა, 1 კი დაიღუპა.
დახურვა