უკრაინის პრეზიდენტის, ვოლოდიმირ ზელენსკის განცხადებით, შემდეგი სანქციები იმ ადამიანებს დაუწესდებათ, ვინც ომს ამართლებს.
"რუსეთის ბევრ მოქალაქეზე და მასთან დაკავშირებულ პირებზე მუშაობას შუალედური შედეგი აქვს, რომლებიც ამართლებენ ომს, ეხმარებიან მის წარმოებაში და ადიდებენ ტერორისტულ სახელმწიფოს. დღეს არის სანქციების პირველი ასეთი სია - იქნება შემდგომი გადაწყვეტილებები სანქციების შესახებ ასეთი პირების მიმართ.
ყველა, ვისი ხმაც ერთხმად ჟღერს რუსულილ არტილერიის ღრიალთან, იზოლირებული იქნება ცივილიზებული სამყაროსგან", - თქვა უკრაინის პრეზიდენტმა.
ზელენსკიმ ასევე აღნიშნა, რომ 7 იანვარს მსოფლიომ კიდევ ერთხელ შეძლო დაენახა, თუ რამდენად მცდარია "მოსკოვიდან გაჟღერებული ნებისმიერი სიტყვა".
"მათ თქვეს რაღაც სავარაუდო ცეცხლის შეწყვეტის შესახებ… მაგრამ რეალობა არის რუსული ჭურვები, რომლებიც კვლავ მოხვდა ბახმუტსა და სხვა უკრაინულ პოზიციებს. ეს კიდევ ერთხელ დადასტურდა: მხოლოდ რუსი ოკუპანტების განდევნა უკრაინის მიწიდან და რუსეთის მხრიდან უკრაინაზე და მთელ ევროპაზე ზეწოლის ნებისმიერი შესაძლებლობის აღმოფხვრა, ნიშნავს დუმილის, უსაფრთხოებისა და მშვიდობის აღდგენას", - განაცხადა ზელენსკიმ.
დღეს უკრაინის პრეზიდენტმა, ვოლოდიმირ ზელენსკიმ რუს მომღერლებს, ტელეწამყვანებს, მსახიობებს, რეჟისორებსა და პროპაგანდისტებს სანქციები 10 წლის ვადით დაუწესა. სანქცირებულთა სიაში 119 ადამიანი მოხვდა.
დახურვა