„ჩემთვის პრინციპულია, რომ ვცხოვრობდე ისეთ ქვეყანაში, სადაც არ მატყუებენ. ამ ქვეყანაში მოხდა უპრეცედენტო შემთხვევა - ამ ქვეყანას წაართვეს თავისუფალი არჩევნის უფლება" - ამის შესახებ „გირჩის“ ერთ-ერთმა წევრმა, იაგო ხვიჩიამ „ფორმულას“ ეთერში განაცხადა.
„გირჩის“ წევრის თქმით, პროპორციული არჩევნები არ არის რომელიმე პარტიის ინტერესი - ამ სისტემით არჩევნების ჩატარება ქვეყნის ინტერესებშია.
„ჩვენ შეგვეძლო ვყოფილიყავით 2020 წლის შემოდგომიდან საერთოდ სხვა ქვეყანა და ბიძინა ივანიშვილმა გადაწყვიტა, რომ ჩვენ ისევ ბანძები უნდა ვიყოთ, დავრჩეთ ამ საბანძეთში, რომელსაც რუსეთის ერთ-ერთი გუბერნია ჰქვია. ამიტომაც არის პრინციპული პროპორციული არჩევნები - იმიტომ არა, რომ ეს „გირჩს“ აწყობს ან „ნაციონალურ მოძრაობას“. მაგრამ ბიძინა ივანიშვილმა გადაწყვიტა, რომ მისი ინტერესები უფრო მაღლა დაეყენებინა, ვიდრე ქვეყნისა“, - განაცხადა იაგო ხვიჩიამ.
იაგო ხვიჩია სოფო ზურაბიანის კითხვებს პასუხობდა გადაცემაში „პოლიტიკის ფორმულა".
დახურვა