ქვეყნის არაფორმალური მმართველი - ბიძინა ივანიშვილი, ხანგრძლივი პაუზის შემდეგ, თუთიყუშების ვოლიერიდან გამოჩნდა. 9-წამიანი ვიდეო, სოციალურ ქსელში, ოლიგარქის შვილმა, ცოტნე ივანიშვილმა გაავრცელა. ვიდეო გზავნილში, ბიძინა ივანიშვილი ბრაზილიურ თუთიყუშებს - ოქროს არატინგებს, მარცვლეულით კვებავს. ივანიშვილის ეს ვიდეო მიმართვა, მალევე გახდა განხილვის თემა, სადაც ბევრმა ოლიგარქის პოლიტიკური თუთიყუშები მარტივად ამოიცნო, თუმცა 9-წამიანი ვიდეოს ფინალურ ნაწილში, სადაც ერთი თუთიყუში, მილიარდერს თავზე აჯდება, ანალიტიკოსებმა მთავარი სათქმელი ამოიცნეს - ივანიშვილი ყველას ეუბნება, რომ ის არასად წასულა, ყველაფერს მისი თუთიყუშების დახმარებით აკონტროლებს და თუ ვინმე თავზე დაჯდომას გადაწყვეტს, ივანიშვილი ყველა მეთოდით შეახსენებს, ვინ არის ამ ქვეყანაში მთავარი გადაწყვეტილების მიმღები.
დახურვა