ისრაელის ჯანდაცვის მინისტრს კორონავირუსი დაუდასტურდა

ისრაელის ჯანდაცვის მინისტრს, იაკოვ ლიცმანსა და მის მეუღლეს ,კორონავირუსი დაუდასტურდათ, - ამის შესახებ ინფორმაციას BBC ავრცელებს.

71 წლის მინისტრი ამ დროისთვის ყველაზე მაღალი თანამდებობის პირია ისრაელში, რომელსაც კოვიდ-19 დაუდასტურდა.

მედიასაშუალების ინფორმაციით, ლიცმანი ცოლთან ერთად თვითიზოლაციაში იმყოფება.

შეგახსენებთ, რომ ისრაელში კორონავირუსით ინფიცირების 6 000-ზე მეტი შემთხვევა დასტურდება, ხოლო 26 ადამიანი გარდაიცვალა.