კორონავირუსით საქართველოში ბოლო 24 საათში კიდევ 74 პაციენტი გარდაიცვალა. სტატისტიკას დაავადებათა კონტროლის ეროვნული ცენტრი აქვეყნებს.
NCDC-ის მონაცემებით, ქვეყანაში გამოვლინდა ინფიცირების 2210 ახალი შემთხვევა. ჩატარდა 28 025 ტესტი - 12 762 PCR კვლევით, 15 263 ანტიგენის სწრაფი ტესტით.
რაც შეეხება დადებითობის მაჩვენებელს: დღიური მაჩვენებელია 7,89%, ბოლო 14 დღის - 9,27%, ბოლო 7 დღის კი 8,33%.
პანდემიის დაწყებიდან დღემდე ქვეყანაში ვირუსს სულ 7806 ადამიანი ემსხვერპლა, დადასტურებული შემთხვევების საერთო რაოდენობა კი 564 837-ია.
საქართველოში გამოვლენილი ინფიცირების 2 210 ახალი შემთხვევის განაწილება რეგიონებში შემდეგნაირია:
- თბილისი - 865 შემთხვევა
- აჭარა - 223
- იმერეთი - 336
- ქვემო ქართლი - 143
- შიდა ქართლი - 99
- გურია - 54
- სამეგრელო - ზემო სვანეთი - 164
- კახეთი - 225
- მცხეთა-მთიანეთი - 30
- სამცხე-ჯავახეთი - 48
- რაჭა-ლეჩხუმი და ქვემო სვანეთი - 23.
საქართველოში სულ ჩატარებულია 1 314 104 აცრა - ამ რაოდენობაში შედის როგორც ორჯერადად, ისე ერთჯერადად აცრილთა მონაცემები.
გუშინ, 4 სექტემბერს ქვეყანაში 22 733 აცრა ჩატარდა.
დახურვა