იტალიაში კორონა ვირუსის შედეგად დაღუპულების რაოდენობამ 20 000 გადააჭარბა. ბოლო მონაცემებით დღის განმავლობაში ვირუსს 566 ადამიანი ემსხვერპლა. ყველაზე მძიმე სურათი ისევ ამერიკის შეერთებულ შტატებშია, დაღუპულთა რაოდენობა აქ 23000-ზე მეტია. ინფიცირებულთა საერთო რაოდემობამ კი 582 000 გადააჭარბა.
მიუხედავად ამისა, ქვეყნის სხვადასხვა შტატში დაწესებული შეზღუდვების მოხსნისთვის ემზადებიან. ნიუ-იორკის ხელისუფლება კარანტინის ეტაპობრივ გაუქმებისა და ბიზნესის ამოქმედების გეგმაზე მეზობელ შტატებთან ერთობლივ მუშაობას გეგმავს. შტატის გუბერნატორის, ენდრიუ კუომოს განცხადებით, ნიუ-იორკისთვის ყველაზე მძიმე დღეები უკვე ჩავლილია, ხოლო დაავადება კონტროლს ექვემდებარება. კორონავირუსს ნიუ იორკის შტატში 10 000-ზე მეტი ადამიანი ემსხვერპლა.
რთულია ვითარებაა ესპანეთშიც, სადაც სადაც დღის განმავლობაში 419 ადამიანი დაიღუპა. გარდაცვლილთა საერთო რაოდენობა კი 17 756-ს აღწევს. მსოფლიო მასშტაბით კრონავირუსით ინფიცირების 1 900 000-ზე მეტი შემთხვევაა დადასტურებული. პანდემიას 119 701 ადამიანი ემსხვერპლა. გამოჯანმრთელდა 445 000-ზე მეტი ინფიცირებული.
დახურვა