ნიკოლ ფაშინიანმა აზერბაიჯანთან კონფლიქტის შესახებ შარლ მიშელთან ისაუბრა

ნიკოლ ფაშინიანმა აზერბაიჯანთან კონფლიქტის შესახებ შარლ მიშელთან ისაუბრა. 

სომხეთის პრემიერ-მინისტრის ადმინისტრაციის ინფორმაციით, მათ ტელეფონით ილაპარაკეს. 

პრესრელიზის მიხედვით, ფაშინიანმა ევროპული საბჭოს პრეზიდენტს გააცნო ინფორმაცია არსებული ვითარების შესახებ და ხაზი გაუსვა, რომ სომხეთ-აზერბაიჯანთან საზღვარზე დაძაბულობა კვლავ არსებობს. 

სომხეთის პრეზიდენტის ადმინისტრაციის ცნობით, შარლ მიშელმა, თავის მხრივ, კიდევ ერთხელ დაადასტურა მზადყოფნა დიალოგისა და მშვიდობის ხელშეწყობისთვის. 

მხარეებმა ასევე განიხილეს სიტუაციის დარეგულირებასთან დაკავშირებული სხვადასხვა საკითხი. 

***

აზერბაიჯანს და სომხეთს შორის შეიარაღებული კონფლიქტი 2022 წლის 13 სექტემბერს განახლდა. 

13 სექტემბერს სომხეთის თავდაცვის სამინისტრომ განაცხადა, რომ 00:05 საათზე აზერბაიჯანის შეიარაღებულმა ძალებმა საზღვარზე სომხური პოზიციების მიმართულებით ცეცხლი გახსნეს. მათი ცნობით, დაიბომბა გორისი, სოტკი, ვარდენისი და ჯერმუკი.

ამავე დროს, აზერბაიჯანის თავდაცვის სამინისტრომ ერევანი დაშქესანის, ქალბაჯარისა და ლაჩინის რაიონების მიმართულებით დივერსიაში დაადანაშაულა. ბაქოში აცხადებენ, რომ სომხეთის გაერთიანებული ძალების დივერსიულმა ჯგუფებმა აზერბაიჯანის ქვედანაყოფებს შორის ტერიტორია დანაღმეს მთიანი რელიეფისა და ხევების გამოყენებით.

სომხეთმა დახმარებისთვის რუსეთს, ODKB-სა და გაეროს უშიშროების საბჭოს მიმართა.

რუსეთის საგარეო საქმეთა სამინისტრომ კი განაცხადა, რომ 2022 წლის 13 სექტემბერს მათი შუამავლობით სომხეთსა და აზერბაიჯანს შორის ცეცხლის შეწყვეტის ახალი შეთანხმება დაიდო.