პენტაგონში ადასტურებენ, რომ კორონავირუსი ლაბორატორიაში შექმნილი არაა. უწყების წარმომადგენლის თქმით, ამ დრომდე უცნობი რჩება, დაავადება ჩინური ბაზრიდან გავრცელდა, ლაბორატორიიდან თუ სხვა ადგილიდან, თუმცა თითქმის დაზუსტებით შეიძლება ითქვას, რომ ის ხელოვნურად არ შექმნილა.
პენტაგონმა განცხადება ქვეყნის სახელმწიფო მდივნის მიერ გავრცელებული ინფორმაციის პასუხად გააკეთა. მაიკ პომპეომ აღნიშნა, რომ არსებობს მნიშვნელოვანი მტკიცებულებები, რომელთა მიხედვით კორონავირუსი ჩინურ ლაბორატორიაში შეიქმნა.