პეტიცია საბაგიროების გახსნის მოთხოვნით

მთავრობის მიერ ვირუსის პრევენციისთვის დაწესებულ რეგულაციებს საკურორტო ზონის მცხოვრებლები და დამსვენებლებიც უპირისპირდებიან. მათ საგანგებო პეტიციაც შეადგინეს, რომელსაც უკვე სამი ათასამდე ხელმომწერი ჰყავს. მათი მოთხოვნა სამთო-სათხილამურო კურორტებზე საბაგიროების კვლავ ამოქმედებაა. პეტიციის ავტორები ამბობენ, რომ საბაგიროებსა და სათხილამურო ზონებზე კოვიდის გავრცელების თვალსაზრისით ყველაზე უსაფრთხო მდგომარეობაა. მათ ჩაკეტვას კი არა ვირუსის პრევენცია, არამედ მხოლოდ ეკონომიკური კრახი მოჰყვება.