უკრაინის პრეზიდენტის აპარატის მრჩეველი მიხაილო პოდოლიაკი ამბობს, რომ "საქართველოს მთავრობის საუბარში რუსეთის ფედერაციის ხმა ისმის". ამის შესახებ მან ფორმულას ეთერში ისაუბრა.
პოდოლიაკის თქმით, საქართველო თავის მთავრობას თამაშის უფლებას აძლევს, რაც "რთულია უკრაინისთვის, პრეზიდენტ ზელენსკისთვის", რადგან "მას [ზელენსკი] ძალიან უყვარს თავისი ქვეყანა და მისთვის მიუღებელია მიიღოს ნორმალურად, რომ ის ხალხი, რომელიც მათ გვერდით უნდა ყოფილიყო, ვეღარ არის".
პოდოლიაკის თქმით, საქართველოს მთავრობამ უნდა გაიგოს, რომ უკრაინა ამ ომში არ წააგებს. მისი თქმით, უკრაინის უკან დგას სიტყვა თავისუფლება და ეს თავისუფლება უნდათ, რომ საქართველოსაც გადასცენ.
"უკრაინისთვის ძალიან უცნაურია, რომ იხილოს ქვეყანა, რომელიც ზუსტად ისე დაზარალდა როგორც ჩვენ, რუსეთის ფედერაციის ექსპანსიისგან დავზარალდით. იმ ჟანგიანი ტანკებისგან, რომლებიც თქვენს ტერიტორიაზე მოდიოდნენ და რომლებსაც განადგურება სურდათ საქართველოსი. ამ ფონზე ჩემთვის ძალიან რთულია, რომ ოფიციალური საქართველო საუბრობს რაღაც სირთულეებზე, აუცილებლობაზე. საქართველოს მთავრობის საუბარში რუსეთის ფედერაციის ხმა ისმის. საქართველოს საზღვარზე რუსეთისგან ლტოლვილები იყვნენ, ეს არ არის ხალხი, რომელიც მხოლოდ მობილიზაციისგან გარბოდა. ეს ხალხია, რომელიც 2008 წელს ტაშს უკრავდა და ყვიროდა, რომ მოდით, მუხლებზე დავაყენოთ საქართველო, თქვენ კი ქვეყანაში შემოსვლის საშუალება მიეცით მათ.
მესმის, თქვენ ჰუმანური ხალხი ხართ, მაგრამ არ მესმის, საქართველოს მთავრობას რატომ არ ესმის, როდესაც ესეთ პრინციპებზეა საუბარია. საქართველო თავის მთავრობას თამაშის უფლებას აძლევს, ეს არის მტკივნეული ჩვენი ქვეყნისთვის, პრეზიდენტ ზელენსკისთვის. მას ძალიან უყვარს თავისი ქვეყანა და მისთვის მიუღებელია მიიღოს ნორმალურად, რომ ის ხალხი, რომელიც ჩვენს გვერდით უნდა ყოფილიყო, ვეღარ არიან. რა თქმა უნდა, ბევრი მათგანი ჩვენს მხარეზეა და მონაწილეობას იღებს უკრაინის ომში, პირდაპირ ან ირიბად მონაწილეობენ. ჩვენ ძალიან თბილად ვართ თქვენდამი განწყობილი. ჩვენთვის ძალიან მტკივნეულია, რომ ადამიანები, რომლებიც ჩვენს გვერდით უნდა ყოფილიყვნენ, ძალიან ახლოს, მათი მთავრობა უცებ პოლიტიკის თამაშს იწყებს. მესმის პირველი თვე, მაგრამ ახლა? 8 თვის მერე ჩვენ არ წავაგებთ, მინდა რომ ეს გაიგოს საქართველოს მთავრობამ. უკვე უნდა ესმოდეს, რომ უკრაინა არ წააგებს, ჩვენ დავიხოცებით, მაგრამ არ წავაგებთ. ჩვენს უკან დგას სიტყვა თავისუფლება და ეს თავისუფლება გვინდა, რომ საქართველოსაც გადავცეთ", - თქვა პოდოლიაკმა.
დახურვა