პროტესტის 30-ე დღე. დევნილების ნაწილი საცხოვრებელი სახლებით დაკმაყოფილების მოთხოვნით, ჯანდაცვის სამინისტროსთან აქციას ამ დრომდე აგრძელებს. მათი მთავარი მოთხოვნა ჯანდაცვის მინისტრის ეკატერინე ტიკარაძისა და მისი მოადგილის გიორგი წოწკოლაურის გადადგომაა. დევნილები ამბობენ, რომ სამინისტროს მიერ ბინები უკანონოდ გაიცა. აქციის მონაწილეების განცხადებით, "ოცნებამ" ბინები საკუთარ მომხრეებს გადასცა. დევნილები ასევე აპროტესტებენ ბინების გადამცემი კომისიის შემადგენლობას და მის შეჩერებას ითხოვენ.
"ერთი თვე გავიდა მას შემდეგ, რაც მინისტრი აქ შეკრებილი ადამიანების პრობლემებს უგულებელყოფს. ამ ქვეყანაში სრული ამაოების ბაზაზრია. ამ ქვეყანაში არავის უნდა მოუსმინოს ხალხს და მისი პრობლემები გაიზიაროს. ვაიძულებთ მინისტრსა და მის მოადგილეებს, რომ გადადგნენ," - განაცხადა შენგელიამ.
დევნილები აცხადებენ, რომ ისინი მხოლოდ იმ ბინებს ითხოვენ, რომლებიც მათ კანონით ეკუთვნით.
დახურვა