უკრაინის გენერალური პროკურორის ოფისის ინფორმაციით, ომის დაწყებიდან უკრაინაში 223 ბავშვი დაიღუპა, 408 კი დაშავდა.
"6 მაისის დილის მონაცემებით დაღუპული ბავშვების რიცხვი 223-მდე, დაშავებულია 408-მდე ბავშვი", - აცხადებს პროკურორის ოფისი.
ყველაზე მეტი - 139 ბავშვი დონეცკის რეგიონში დაშავდა, კიევის რეგიონში კი 116.
"ხარკოვში - 95. ჩერნიგოვში - 68, ხერსონში - 46, ნიკოლაევში - 44, ლუგანსკში - 37, ზაპოროჟიეში - 27, სუმში - 17, ჟიტომირში - 15 და კიევში - 16", - აღნიშნულია პროკურორის ოფისის ინფორმაციაში.
რუსული ძალების დაბომბვის შედეგად 1 607 საგანმანათლებლო დაწესებულება დაზიანდა, 121 კი მთლიანად განადგურდა.
დახურვა