რუსეთის მარეგულირებელი როსკომნადზორი Wikipedia-სგან მოითხოვს, რომ უკრაინის ომის შესახებ მასალები წაშალოს. რუსეთის პროკურატურის მტკიცებით, ონლაინ-ენციკლოპედიის პლატფორმა უკრაინის ომზე "არაზუსტ ინფორმაციას" ავრცელებს.
უწყებაში აცხადებენ, რომ Wikipedia-ს ავტორები მომხმარებლებს თავიანთ სტატიებში მიზანმიმართულად დეზინფორმაციას აწვდიან, რაც ხელს უწყობს "მოვლენის ექსკლუზიურად ანტირუსულ ინტერპრეტაციას".
"Wikipedia გახდა რუსებზე მუდმივი ინფორმაციული თავდასხმის ხაზი", - აცხადებს როსკომდანდზორი. უწყება აფრთხილებს პლატფორმას, რომ მას 4 მილიონ რუბლამდე ჯარიმა ემუქრება.
მარეგულირებელს აქამდეც მოუთხოვია Wikipedia-სგან პირველი მარტის ინფორმაციის წაშლა ომის შესახებ, თუმცა Wikipedia-მ მოთხოვნა არ შეასრულა.
დახურვა